Gurmat (Lord's Order) is a Sikh Way of Life
ਸਬਦੁ ਗੁਰੂ ਸੁਰਤਿ ਧੁਨਿ ਚੇਲਾ ॥
The Shabad (God's Word) is the Guru, upon whom I lovingly focus my consciousness, (the disciple).
ਵਾਹੁ ਵਾਹੁ ਕਾ ਵਡਾ ਤਮਾਸਾ ] (1403) (ਰੱਬ ਦੀ ਖੇਡ)
ਇਕ ਰੱਬ ਜਿਸ ਨੇ ਬਹੁਤ ਵੱਡਾ ਖੇਲ ਬਣਾਇਆ ਹੋਇਆ ਹੈ।
ਅਰਬਦ ਨਰਬਦ ਧੁੰਧੂਕਾਰਾ ] ਧਰਣਿ ਨ ਗਗਨਾ ਹੁਕਮੁ ਅਪਾਰਾ ]
ਨਾ ਦਿਨੁ ਰੈਣਿ ਨ ਚੰਦੁ ਨ ਸੂਰਜੁ ਸੁੰਨ ਸਮਾਧਿ ਲਗਾਇਦਾ (1035)
ਬੇਅੰਤ ਸਮੇਂ ਇਕਲਾ ਹੀ ਬੈਠਾ ਰਿਹਾ। ਉਸ ਸਮੇਂ ਨਾ ਧਰਤੀ ਸੀ ਨਾ ਆਕਾਸ਼ ਸੀ, ਕੇਵਲ ਬੇਅੰਤ ਰੱਬ ਆਪਣੇ ਹੁਕਮ ਸਮੇਤ ਅਦ੍ਰਿਸ਼ ਸਮਾਧੀ ਵਿੱਚ ਸੀ।
ਕੇਤਿਆ ਦਿਨ ਗੁਪਤੁ ਕਹਾਇਆ] ਕੇਤਿਆ ਦਿਨ ਸੁੰਨਿ ਸਮਾਇਆ]
ਕੇਤਿਆ ਦਿਨ ਧੁੰਧੂਕਾਰਾ ਆਪੇ ਕਰਤਾ ਪਰਗਟਿਆ](1081)
ਬੇਅੰਤ ਸਮੇਂ ਗੁਪਤ ਅਦ੍ਰਿਸ਼ ਸਮਾਧੀ ਵਿੱਚ ਬੈਠਾ ਰਿਹਾ ਅਤੇ ਬੇਅੰਤ ਸਮੇਂ ਜੋ ਜੀਵਾਂ ਦੀ ਸਮਝ ਤੋਂ ਪਰੇ ਹੈ। ਫਿਰ ਆਪਣੇ ਆਪ ਨੂੰ ਪਰਗਟ ਕੀਤਾ। ਨਿਰੰਕਾਰ ਦੀ ਸ਼ਕਤੀ ਅਥਾਹ ਹੈ, ਸ਼ਕਤੀ ਦੀ ਹੱਦ ਦਾ ਪਤਾ ਨਹੀਂ ਹੁੰਦਾ। ਹੈ ਕਿ ਨਹੀਂ।
ਕੀਤਾ ਪਸਾਉ ਏਕੋ ਕਵਾਉ ](3)
ਕਵਾਉ ਕਰਨ ਨਾਲ ਨਿਰੰਕਾਰ ਆਪ ਵੀ ਹੁੰਦਾ ਹੈ ਤੇ ਬਦਲ ਵੀ ਜਾਂਦਾ ਹੈ। ਰੱਬ ਨੂਰ ਬਣ ਗਿਆ, ਅਨੁਭਵ ਪ੍ਰਤੱਖ ਜਗਤ ਵਿੱਚ ਵਿਖਾਈ ਦਿੰਦਾ ਹੈ।
1 = ਨਿਰੰਕਾਰ ਜਾਂ ਏਕੰਕਾਰ ਜਾਂ ਨਿਰਗੁਣ ਵਾਹਿਗੁਰੂ
= ਓਅੰਕਾਰ ਜਾਂ ਜਾਗਦੀ ਜੋਤਿ (ਸਰਬ ਵਿਅਾਪਕ) ਜਾਂ ਸਤਿਗੁਰੂ ਜਾਂ ਸਰਗੁਣ
ਜੋ ਆਪਣੇ ਆਪ ਤੋਂ ਬਣਿਆ ਹੈ (ਸਭ ਕੁਝ) ਵਾਹਿਗੁਰੂ ਸ਼ਬਦ ਦੇ ਰੂਪ ਵਿੱਚ ਸੁਣਾਈ ਦਿੰਦਾ ਹੈ। ਨਿਰਗੁਣ ਵਾਹਿਗੁਰੂ ਨੇ ਸਰਗੁਣ ਬਣ ਕੇ ਸਤਿਗੁਰੂ ਕਹਾਇਆ। ਜੋ ਕਿ ਨੂਰ ਹੈ। ਰੱਬ 1# ਹੈ, ਨੂਰ ਹੈ, ਜੋਤਿ ਹੈ, ਪ੍ਰਤੱਖ ਹੈ, ਜੋ ਆਪਣੇ ਆਪ ਤੋਂ ਬਣਿਆ ਹੈ (ਸਭ ਕੁਝ)।
ਅਵਲਿ ਅਲਹ ਨੂਰੁ ਉਪਾਇਆ ਕੁਦਰਤਿ ਕੇ ਸਭ ਬੰਦੇ ]
ਏਕ ਨੂਰ ਤੇ ਸਭੁ ਜਗੁ ਉਪਜਿਆ ਕਉਣ ਭਲੇ ਕੋ ਮੰਦੇ ](1349)
ਅਵਲਿ (ਸਭ ਤੋਂ ਪਹਿਲਾਂ) ਕੁਦਰਤ ਦਾ ਨੂਰ ਹੀ ਸੀ ਜਿਸ ਨੇ ਜਗਤ ਪੈਦਾ ਕੀਤਾ। ਪਹਿਲਾਂ ਉਸ ਨੇ ਆਪਣੇ ਆਪ ਨੂੰ ਸਾਜਿਆ, ਨਾਮਣਾ ਬਣਾਇਆ, ਫਿਰ ਉਸ ਨੇ ਦੂਜੀ ਕੁਦਰਤ ਰਚੀ। ਉਸ ਵਿੱਚ ਆਸਣ ਜਮਾ ਕੇ ਵਿਅਾਪਕ ਹੋ ਕੇ ਆਪ ਹੀ ਤਮਾਸਾ ਵੇਖਣ ਲੱਗ ਪਿਆ।
ਆਪਿਨੈ ਆਪੁ ਸਾਜਿਓ ਆਪਿਨੈ ਰਚਿਓ ਨਾਉ ]
ਦੁਈ ਕੁਦਰਤਿ ਸਾਜੀਐ ਕਰਿ ਆਸਣੁ ਡਿਠੋ ਚਾਉ ] (463)
ਸਚਖੰਡ ਵਿੱਚ ਬੈਠ ਕੇ ਆਪਣਾ ਤਮਾਸਾ ਦੇਖ ਕੇ ਖੁਸ਼ ਹੋ ਰਿਹਾ ਹੈ। ਵਾਹਿਗੁਰੂ ਅਤਿ ਸੁੱਖਮ ਹੈ, ਸਚਖੰਡ ਵੀ ਸੁੱਖਮ ਹੈ। ਹਰਿ ਜੀ ਸੁਖਮੁ ਅਗਮੁ ਹੈ](756)
ਅਸੀਂ ਪੰਜ ਤੱਤਾਂ ਦੀ ਰਚਨਾ ਹਾਂ (ਹਵਾ, ਪਾਣੀ, ਅੱਗ, ਮਿੱਟੀ, ਆਕਾਸ਼)। ਵਾਹਿਗੁਰੂ ਨੇ ਰਚਨਾ ਬਣਾ ਕੇ ਲਿਵ ਤੇ ਮਾਇਆ ਦੇ ਦੋ ਰਾਹ ਬਣਾਏ ਹਨ।
ਲਿਵ ਧਾਤੁ ਦੁਇ ਰਾਹ ਹੈ ਹੁਕਮੀ ਕਾਰ ਕਮਾਇ ] (87)
ਰੱਬ ਤੇ ਮਾਇਆ। ਸਚਖੰਡ ਤੇ ਧਰਮਰਾਜ। ਆਤਮਾ ਤੇ ਸਰੀਰ।
ਗੁਰਮੁਖ ਤੇ ਮਨਮੁਖ। ਸੱਚ ਤੇ ਝੂਠ। ਲਿਵ (ਸੁਰਤੀ) ਮਾਇਆ।
ਰੋਮ ਰੋਮ ਵਿੱਚ ਪ੍ਰਤੱਖ ਦਾ ਨਿਵਾਸ ਹੈ। ਚਰਚਰ ਬ੍ਰਹਮੰਡ ਵਿੱਚ ਵੀ ਜਿਸ ਦਾ ਪ੍ਰਤੱਖ ਹੈ, ਉਹ ਰੱਬ ਗੁਰੂ ਨਾਨਕ ਬਣ ਗਿਆ। ਰੱਬ ਨੇ ਆਪਣੇ ਆਪ ਨੂੰ ਗੁਰੂ ਅਖਵਾਇਆ।
ਪਾਰਬ੍ਰਹਮੁ ਗੁਰੂ ਰਹਿਆ ਸਮਾਇ ] (864)
ਵਾਹਿਗੁਰੂ ਗੁਰੂ ਨਾਨਕ ਵਿੱਚ ਸਮਾਇਆ ਹੋਇਆ ਹੈ।
ਜੋਤਿ ਰੂਪਿ ਹਰਿ ਆਪਿ ਗੁਰੂ ਨਾਨਕੁ ਕਹਾਯਉ ](1408)
ਰੋਮ ਰੋਮ ਚਿਤਿ ਬ੍ਰਹਮੰਡ ਚ ਨਿਵਾਸ ਜਿਸੂ ਮਾਨਸ ਉਪਰ ਦਰਸ ਦਿਖਾਏ ਹੈ (ਭਾਈ ਗੁਰਦਾਸ ਜੀ)
ਗੁਰੂ ਨਾਨਕ ਨੇ ਰੱਬ ਦਾ ਸਾਰਾ ਭੇਦ ਦੱਸ ਦਿੱਤਾ। ਆਪਣਾ ਹੀ ਭੇਦ ਦੱਸਣਾ ਸੀ। ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਵਿੱਚ ਆਪਣਾ ਭੇਦ ਲਿਖ ਦਿੱਤਾ ਕਿ ਰੱਬ ਕਿਹੋ ਜਿਹਾ ਹੈ, ਕਿੱਥੇ ਰਹਿੰਦਾ ਹੈ ਤੇ ਉਸ ਨੂੰ ਕਿਵੇਂ ਮਿਲਣਾ ਹੈ।
ਸਚ ਖੰਡਿ ਵਸੈ ਨਿਰੰਕਾਰੁ ] ਕਰਿ ਕਰਿ ਵੇਖੈ ਨਦਰਿ ਨਿਹਾਲ ] (8)
ਰੱਬ ਸੀ। ਪ੍ਰਤੱਖ ਸੀ। ਜੋਤਿ ਸੀ। ਨੂਰ ਸੀ। ਪਰਮਾਤਮਾ ਸੀ। ਅੱਲਾਹ ਸੀ। ਰਾਮ ਸੀ। ਰਹੀਮ ਸੀ। ਗਾਡ ਸੀ।
ਬਾਬਾ ਨਾਨਕ ਸੀ (ਗੁਰੂ ਪੰਜ ਭੂਤਕ ਨਹੀਂ ਹੁੰਦਾ, ਗੁਰੂ ਰੱਬ ਦੀ ਤਰ੍ਹਾਂ ਆਦਿ ਹੋਣਾ ਚਾਹੀਦਾ ਹੈ, ਉਹ ਹੈ ਬਾਬਾ ਨਾਨਕ। ਗੁਰੂ ਆਦਿ ਸੀ। ਬਾਬਾ ਯੁਗਾਂ ਤੋਂ ਵੀ ਪਹਿਲਾਂ ਸੀ।)
ਗੁਰ ਕੀ ਮਹਿਮਾ ਕਿਆ ਕਹਾ ਗੁਰੂ ਬਿਬੇਕ ਸਤਿ ਸਰੁ ]
ਓਹੁ ਆਦਿ ਜੁਗਾਦੀ ਜੁਗਹ ਜੁਗੁ ਪੂਰਾ ਪਰਮੇਸਰੁ ] (397)
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਸਨ ਤੇ ਬਾਬਾ ਨਾਨਕ ਚੂਰ ਕਰ ਰਿਹਾ ਸੀ (ਪ੍ਰੂਫ)। ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਪਹਿਲੇ ਜਿਲਦ (ਕਵਰ) ਵੇਖੋ। ਆਦਿ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਲਿਖਿਆ ਹੈ। ਆਦਿ ਹੁੰਦਾ ਸਭ ਤੋਂ ਪਹਿਲਾਂ ਜਦੋਂ ਸ੍ਰਿਸ਼ਟੀ ਬਣੀ ਨਹੀਂ ਸੀ। ਇਸਦਾ ਮਤਲਬ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਸਨ।
ਸਚਖੰਡ ਸੀ ਤੇ ਹੈਗਾ ਵੀ ਤੇ ਰਹੇਗਾ ਵੀ। ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਪ੍ਰਕਾਸ਼ ਕਰਨ ਲਈ ਨਿਰੰਕਾਰ ਨੇ ਸਚਖੰਡ ਬਣਾਇਆ।
ਉੱਥੇ ਆਦਿ ਤੋਂ ਵਾਹਿਗੁਰੂ ਦਾ ਸਿਮਰਨ ਹੋਈ ਜਾ ਰਿਹਾ ਹੈ ਤੇ ਰਹੇਗਾ।